अमेरिकी विदेश मन्त्रालयको पछिल्लो अन्तर्राष्ट्रिय धार्मिक स्वतन्त्रता वार्षिक प्रतिवेदनबारे राय लिन नेपालले अमेरिकालाई ‘कूटनीतिक नोट’ पठाएको छ ।

 

परराष्ट्र मन्त्रालयका प्रवक्ता सेवा लम्सालले अन्तर्राष्ट्रिय धार्मिक स्वतन्त्रतासम्बन्धी प्रतिवेदनका सम्बन्धमा अमेरिकालाई कूटनीतिक नोट पठाइएको जानकारी दिनुभयो ।

 

‘प्रधानमन्त्रीले यस विषयमा आफ्नो धारणा व्यक्त गरिसकेका छन्,’ प्रवक्ता लम्सालले भने, ‘हामीले कूटनीतिक नोट पठाएका छौं ।

 

प्रतिनिधिसभाको शनिबारको बैठकमा प्रधानमन्त्री पुष्पकमल दाहालले अमेरिकाको प्रतिवेदनमाथि राय माग गर्दै नेपाल सरकारको गम्भीर ध्यानाकर्षण गर्दै नोट पठाएको बताएका थिए ।

 

अमेरिकी विदेश मन्त्रालयको पछिल्लो प्रतिवेदनले भारतको सत्तारुढ भारतीय जनता पार्टी (भाजपा)सँग सम्बद्ध दक्षिणपन्थी धार्मिक समूहले हिन्दू राज्यको पक्षमा बोल्नका लागि नेपालका सबै दलका प्रभावशाली राजनीतिज्ञहरूलाई रकम उपलब्ध गराउँदै आएको उल्लेख गरेको छ ।

 

आफ्नो अन्तर्राष्ट्रिय धार्मिक स्वतन्त्रता प्रतिवेदन-२०२२ मा, राज्य विभागले नागरिक समाज स्रोतलाई उद्धृत गर्दै, राष्ट्रिय प्रजातन्त्र पार्टीसँग सम्बन्धित केही राजनीतिज्ञहरूले लोकतान्त्रिक समर्थन जुटाउन क्रिश्चियन विरोधी भावनाहरू प्रयोग गरिरहेको बताएको थियो।

 

प्रतिवेदनले नेपालमा विशेष गरी क्रिस्चियन, मुस्लिम, तिब्बती शरणार्थी र अन्य धार्मिक अल्पसंख्यकहरू विरुद्ध पाइने विभिन्न भेदभावपूर्ण अभ्यासहरूलाई छोएको छ।